تھر کول بلاک ون میں کام کرنے والی کمپنی سائینو سندھ مقامی افراد کی بھرتی یقینی بنائے۔
وزیر توانائی سید ناصر شاہ
کمپنی مقامی سیاسء، سماجی اور معزز شخصیات کے تحفظات کو دور کرے۔ وزیر توانائی کی سی ای او سائینو سندھ کو ہدایت۔
کراچی: وزیر توانائی سندھ سید ناصر حسین شاہ نے کہا ہے کہ تھر بلاک ون میں کام کرنے والء سائینو سندھ (شنگھائی الیکٹرک) مقامی افراد کی بھرتی کو یقینی بنائے اور اس حوالے سے مقامی سیاسی سماجی اور معزز شخصیات کے تحفظات کو دور کرے۔ ان خیالات کا اظہار انیوں نے آج اپنے دفتر میں سائینو سندھ (شنگھائی الیکٹرک) کے سی ای او مینگ سے ملاقات کے موقع پر کیا۔ سیکریٹری محکمہ توانائی سندھ مصدق احمد خان بھی اس موقع موجود تھے۔ سیدناصرحسین شاہ نے اسوقع پر کہا کہ کمپنی اپنے مختلف سیکشن گارڈننگ، سیکیورٹی، صفائی ستھرائی، ڈی واٹرنگ، پمپنگ صفائی نے مینٹینینس سولر پلانٹ میں مقامی افراد کو روزگار کی فراہمی کیلئے اقدامات کو یقینی بنائے۔ ناصر حسین شاہ کا مزید کہنا تھا کہ مقامی افراد کو روزگار کی فراہمی سندھ حکومت کی اولین ترجیحات اور چیئرمین بلاول بھٹو ذرداری کا وژن بھی ہے۔ انہھوں نے کہا کہ چیئرمین بلاول بھٹو ذرداری کی خصوصی ہدایات ہیں کہ روزگار اور مائیکرو فنانسنگ کے ذریعے مقامی خواتین و افراد کو معاشی طور پر مستحکم کیا جائے۔ وزیر توانائی نے کہا کہ سائینو سندھ اپنے ادارے میں کام کرنے والے تمام مقامی افراد کی صحت و سیفٹی کے حوالے سے ہر ممکن اقدامات کرے۔ سی ای او سائینو سندھ نے وزیر توانائی کو اپنے ہر ممکن تعاون کا یقین دلایا۔
