Featured Stories

*صوبائی وزیر توانائی سیدناصرحسین شاہ سے پاکستان پریمیئر لیگ (PSL) کی فاتح ٹیم لاہور قلندر کے سی ای او رانا لطیف کی فاتح ٹرافی کے ہمراہ علی ہائوس آمد* پاکستان پیپلزپارٹی کے رہنما عاجز دھامرہ، ایم پی اے آصف موسیٰ اور اسپورٹس جرنلسٹ یحیٰ حسینی بھی شریک تھے۔ سید ناصر حسین شاہ نے لاہور قلندر کی جانب سے ٹیلنٹ ہنٹ کے تحت سندھ بھر میں کرکٹ کے ٹیلنٹ کو اجاگر کرنے اور نوجوان کھلاڑیوں کی صلاحیتوں کو ملک کے لئے بروکار لانے پر لاہور قلندر کی کاوشوں کو سراہا اور سندھ حکومت کی جانب سے مکمل تعاون اور سہولیات فراہم کرنے کی یقین دہانی کرائی۔ سیدناصرحسین شاہ کا کہنا تھا کہ کرکٹ کے بہترین کھلاڑیوں کی تلاش میں لاہور قلندر کا کردار قابل تحسین اور لائق ستائش ہے۔ سندھ حکومت کھیلوں کے فروغ کے لئے بھرپور کام کررہی ہے اور مختلف منصوبوں پر کام جاری ہے۔ نوجوانوں کی صلاحیتوں کو اجاگر کرنے اور اپنے ٹیلنٹ کا اظہار کرنے کے لئے مختلف ٹورنامنٹس اور نیشنل گیمز کا انعقاد کررہی ہے۔ اس موقع پر رانا لطیف کی جانب سے سیدناصر حسین شاہ کو یادگاری شیلڈ پیش کی گئی۔

#SyedNasirHussainShah #SNHS #Minister #Energy #PlanningAndDevelopment #Sindh #PakistanPeoplesParty #AliHouseKarachi

#Minister #Energy #PlanningAndDevelopment #Sindh #SyedNasirHussainShah #SNHS #DeputyGeneralSecretaryPPPSindh #PakistanPeoplesParty #AliHouseKarachi

صوبائی وزیر توانائی سیدناصرحسین شاہ کی ڈاکٹر ریحانہ سید وویمن ونگ کراچی کی جانب سے نیاز امام حسین علیہ السلام میں شرکت۔ اس موقع پر پاکستان ہیپلزپارٹی کراچی ڈویژن کے دیگر عہدیداران سمیت دیگر شخصیات بھی موجود تھیں۔

#SyedNasirHussainShah #SNHS #Minister #Energy #PlanningAndDevelopment #Sindh #PakistanPeoplesParty #AliHouseKarachi

کراچی: وزیر ترقیات و منصوبہ بندی اور توانائی سندھ سید ناصر حسین شاہ نے کہا ہے کہ بدین ڈی اے پی پر عملدرآمد کے ذریعے ضلع کو کمزور سے مضبوط اور ترقی پسند ضلع میں تبدیل کیا جائے گا، جو مقامی کمیونٹی کے روزگار، فوڈ سکیورٹی، اور پائیدار انفراسٹرکچر کو تحفظ فراہم کرے گا، جبکہ تمام اسٹیک ہولڈرز کی شمولیت سے مستقبل کو محفوظ بنایا جائے گا۔ اس منصوبے کی تکمیل کے بعد حکومت سندھ نے ہر ضلع کے لیے ایڈاپیشن پلان تیار کرنے کا بھی عزم ظاہر کیا، جس میں اے ڈی پی سی اور ورلڈ بینک سمیت دیگر اداروں کے تعاون کا خیر مقدم کیا جائے گا۔ ان خیالات کا اظہار انھوں نے بدین ڈسٹرکٹ ایڈاپشین پلان (DAP) کے ایک اعلیٰ سطحی جائزہ اجلاس کی صدارت کے موقع پر پی اینڈ ڈی سیکریٹریٹ کراچی میں کیا۔ اجلاس میں مختلف سرکاری محکموں کے اعلیٰ حکام شرکت کی اور ایشین ڈیزاسٹر پری پیئرڈنس سینٹر (ADPC) کے تحت تیار کردہ اس منصوبے کو حتمی شکل دینے پر غور کیا گیا جسے ورلڈ بینک کے تعاون سے کیئر فار ساؤتھ ایشیا پراجیکٹ کے تحت تیار کیا گیا ہے۔ وزیر ناصر حسین شاہ نے اے ڈی پی سی کی جامع محنت کو سراہتے ہوئے حکومت سندھ کی جانب سے اس منصوبے پر عملدرآمد کے لیے سالانہ بجٹ سے ہٹ کر بھی مالی وسائل فراہم کرنے کے عزم کا اظہار کیا۔ انہوں نے کہا کہ حکومت سندھ دیگر ڈونرز سے بھی اضافی تعاون حاصل کرنے کی کوشش کرے گی تاکہ بدین ڈی اے پی کو مؤثر طریقے سے نافذ کیا جا سکے۔ اس اقدام کے ذریعے بدین کو ایک کمزور ضلع سے کلائمٹ ریزیلینٹ (موسمیاتی لحاظ سے مضبوط) اور ترقی پسند ضلع میں تبدیل کرنے کا ہدف رکھا گیا ہے، جس میں زراعت، روزگار، عوامی صحت، سماجی تحفظ اور پائیدار انفراسٹرکچر کی صلاحیتوں کو مضبوط بنایا جائے گا۔ اس کے علاوہ وزیر ناصر شاہ نے حیدرآباد کے کمشنر کی نگرانی میں ایک خصوصی یونٹ کے قیام کا بھی اعلان کیا، جو اس منصوبے پر مؤثر عملدرآمد اور اس کی نگرانی کو یقینی بنائے گا۔ یہ یونٹ پورے معاشرے کے اشتراک سے ضلع بدین کو زیادہ مضبوط بنانے میں کردار ادا کرے گا۔ اس منصوبے کے جائزے کے لیے ورکنگ گروپ کا قیام محکمہ منصوبہ بندی و ترقی نے بطور سیکریٹریٹ کیا تھا۔ اس منصوبے کا تفصیلی جائزہ کئی اسٹیک ہولڈرز نے کیا، جن میں آبپاشی، ماحولیات، موسمیاتی تبدیلی و ساحلی ترقی، زراعت، بلدیات، جنگلات و وائلڈ لائف، لائیو اسٹاک و ماہی گیری، صحت، سماجی تحفظ، پبلک ہیلتھ انجینئرنگ، اور خواتین ترقی کے محکموں کے سیکریٹریز شامل تھے۔ اس کے علاوہ ڈائریکٹر جنرل پی ڈی ایم اے، ممبر (ترقیات) پی اینڈ ڈی، کمشنر حیدرآباد، ڈپٹی کمشنر بدین نے بھی قیمتی تجاویز دیں۔ بدین کے ایم پی ایز اور ایم این ایز سے بھی مشاورت کی گئی تاکہ مقامی نمائندوں کی آراء اس منصوبے میں شامل کی جا سکیں۔ منصوبے کا حتمی مسودہ کیئر پراجیکٹ کے ریجنل ایڈوائزر لیفٹیننٹ جنرل (ر) ندیم احمد نے وزیر ناصر شاہ کو پیش کیا، جس موقع پر تمام متعلقہ افسران اور اسٹیک ہولڈرز موجود تھے۔ سیکریٹری آبپاشی جناب ظریف اقبال کھیڑو نے ڈیٹا اور اننڈیشن میپ کی بروقت اپ ڈیٹ کی اہمیت پر زور دیا، جو اس منصوبے میں شامل کر دی گئی ہیں۔ وزیر موصوف نے اجلاس کے اختتام پر اس منصوبے کی توثیق کی اور اس کی باقاعدہ منظوری کے لیے وزیراعلیٰ سندھ کو پیش کرنے کی ہدایت دی۔ اپنے اختتامی کلمات میں وزیر ناصر حسین شاہ نے تمام اسٹیک ہولڈرز کی مشترکہ کوششوں کو سراہا، خاص طور پر اے ڈی پی سی کا شکریہ ادا کیا جس نے اس پورے عمل میں ہم آہنگی پیدا کرنے اور حکومت کے وژن کو حقیقت میں بدلنے میں مدد دی۔ اے ڈی پی سی نے بھی وزیر ناصر شاہ، چیئرمین پی اینڈ ڈی جناب نجم احمد شاہ، سیکریٹری پی اینڈ ڈی سجاد عباسی، سیکریٹری ماحولیات زبیر چنہ، سیکریٹری آبپاشی ظریف اقبال کھیڑو، ڈی جی پی ڈی ایم اے سلمان شاہ، کمشنر حیدرآباد بلال میمن، اور ڈپٹی کمشنر بدین یاسر بھٹی سمیت ان کی ٹیموں کا شکریہ ادا کیا جن کے تعاون سے بدین ڈی اے پی کی تکمیل ممکن ہوئی۔ اس منصوبے کی تیاری جولائی 2024 میں وزارت موسمیاتی تبدیلی و ماحولیاتی رابطہ (MoCC\&EC) کی ہدایات پر شروع ہوئی، جس میں اے ڈی پی سی کی ماہر ٹیم نے اہم کردار ادا کیا۔ اس عمل میں اسسٹنٹ ڈپٹی کمشنر بدین کاشف منگی، ممبر (ترقیات) پی اینڈ ڈی محمد سلیم جلبانی، اور کنٹری کوآرڈینیٹر ثناء ذوالفقار سمیت دیگر ماہرین نے قیمتی خدمات انجام دیں۔ اے ڈی پی سی کی محترمہ ثناء ذوالفقار نے بتایا کہ یہ منصوبہ اپنی نوعیت کا پہلا جامع منصوبہ ہے، جو اسٹیک ہولڈرز، پارلیمنٹرینز اور سیاسی رہنماؤں کی شمولیت سے تیار کیا گیا، تاکہ مقامی ملکیت اور پائیداری کو یقینی بنایا جا سکے۔ یہ منصوبہ پاکستان کے کلائمٹ ریزیلینٹ مستقبل کی جانب ایک اہم سنگ میل ثابت ہوگا، جو پورے معاشرے کی شراکت پر مبنی ہے۔

کراچی: صوبائی وزیر سید ناصر حسین شاہ کی مرکزی عشرہ مجالس محرم الحرام 1447ھ کی ساتویں مرکزی مجلس عزا نشتر پارک کراچی آمد، خطیب مجلس حجتہ الاسلام علامہ سید شہنشاہ حسین نقوی و وزیر اعلی سندھ سید مراد علی شاہ، سید وقار مہدی، نثار احمد کھوڑو، سعید غنی، کمشنر کراچی اور دیگر کی شرکت۔