Post 232
سندھ حکومت کا عوامی کی بہتری کے لیے بڑا اقدام ، روہڑی-سکھر شارٹ روٹ پر ٹرین چلانے کا فیصلہ کراچی سے سکھر تک سب اربن ریلوے سروسز متعارف کرانے کا منصوبہ، لاکھوں افراد مستفید ہوسکیں گے، وزیر توانائی سندھ سید ناصر حسین شاہ لاہور کی طرز پر پاکستان ریلوے اور حکومت سندھ کے مشترکہ منصوبہ سے عوام کی سفری سہولیات میں اضافہ ہوگا، ریلوے کے اعلیٰ سطحی وفد کی سید ناصر حسین شاہ سے ملاقات کراچی: وزیر توانائی، ترقیات و منصوبہ بندی سندھ سید ناصر حسین شاہ نے کہا ہے کہ لاہور کی طرز پر پاکستان ریلوے اور سندھ حکومت کی مشترکہ کاوشوں سے سب اربن ریلوے سروسز منصوبہ شروع کئے جانے کی تجویز زیر غور ہے، یہ منصوبہ کراچی سے سکھر تک عوام کی سفری سہولیات میں اضافہ کرے گا جس سے روزانہ لاکھوں افراد مستفید ہوسکیں گے، اسکے علاوہ انٹراسٹی بسوں پر مسافروں کا لوڈ بھی کم ہوگا اور رش کے باعث عوام کی تکالیف بھی کم ہونگی۔ انھوں نے عوام کی بہتری و سفری سہولیات میں اضافہ کے لیے سندھ حکومت نے اہم قدم اٹھاتے ہوئے روہڑی سے سکھر کے درمیان شارٹ روٹ پر ٹرین سروس شروع کرنے کا فیصلہ کیا ہے۔ ان خیالات کا اظہار انھوں نے پاکستان ریلوے کے ایک اعلیٰ سطحی وفد سے محکمہ توانائی کے دفتر میں ملاقات کے موقع پر کیا۔ وفد کی قیادت چیئرمین/سیکریٹری پاکستان ریلوے سید مظہر الاسلام کررہے تھے جبکہ دیگر اراکین میں سی او ریلوے عامر علی بلوچ اور ڈی ایس ریلوے کراچی ریحان لاکھو شریک تھے جبکہ سیکریٹر محکمہ توانائی سندھ مشتاق احمد سومرو، ایم ڈی تھرکول انرجی بورڈ طارق علی شاہ ، ایڈیشنل سیکریٹری کول ڈاکٹر وقاص راجپوت، چیف ٹیکنکل افسر شارق رضا اور دیگر افسران بھی اس موقع پر موجود تھے۔ سیکریٹری ریلوے نے اس موقع پر پاکستان ریلوے کی جانب سے سندھ حکومت کو مختلف منصوبوں میں شراکت کی پیشکش کی اور بتایا کہ پاکستان ریلوے نے پنجاب حکومت کے اشتراک سے لاہور میں عوام کیلئے سب اربن ریلوے سروسز کا منصوبہ شروع کیا ہے جس سے 8 کروڑ کی آبادی مستفید ہورہی ہے۔ اسکے علاوہ ہمارے کئی منصوبے ہیں جوکہ ہم حکومت سندھ کے اشتراک سے شروع کرنا چاپتے ہیں جس کیلئے ہمیں سندھ حکومت کا تعاون اور مدد درگار ہے۔ وزیر توانائی سید ناصر حسین شاہ نے کہا کہ چیئرمین بلاول بھٹو زرداری کا وژن اور ہدایات ہیں کہ عوام کے وسیع تر مفاد اور سہولیات کے حوالے سے زیادہ سے زیادہ منصوبے بنائے اور تکمیل کئے جائیں لہٰذہ چیئرمین کے وژن کے مطابق ہم ہر اس ادارے سے مکمل تعاون اور مدد کیلئے تیار ہیں جو عوام کو زیادہ سے زیادہ ریلیف دینے کے اقدامات کرے یا منصوبہ بندی کرے، اسی طرح ہم ریلوے کے ساتھ عوام مفاد کے عظیم منصوبوں میں ناصرف اشتراک کریں گے بلکہ حکومت سندھ کی جانب سے ہر ممکناً تعاون کو یقینی بھی بنائیں گے۔ وزیر توانائی نے کہا کہ کراچی سرکلر ریلوے کے منصوبے کیلئے سندھ حکومت نے اپنے حصے کا کام مکمل کیا جبکہ ریلوے لائن کے اطراف تجاوزات کے کاتمے کے اقدامات جاری تھے کہ وہ ریلوے حکام کی جانب سے نامعلوم وجوہات کی بنیاد پر رکوا دئے گئے۔ ناصر شاہ نے وفد کو بتایا کہ سندھ حکومت پبلک پرائیویٹ پارٹنرشپ کے تحت مختلف منصوبوں پر تیز رفتاری اور کامیابی کے ساتھ کام کر رہے ہیں۔ انھوں نے کہا کہ روہڑی سے کراچی تک ٹریک منصوبہ بہترین ہوگا۔ پاکستان ریلوے کے ایم ایل ون منصوبے کو ترجیح دی جائی گی اور سندھ حکومت کی جانب سے این او سی سمیت دیگر حوالوں سے ہر ممکناً تعاون اور مدد کی جائی گی۔ سندھ حکومت آپکے ساتھ ہے۔ وزیر توانائی نے کہا کہ ریلوے انتظامیہ کی وجہ سے سندھ حکومت کے بہت سے پروجیکٹ التواء کا شکار ہیں اور توجہ طلب اور حل طلب ہیں لہٰذہ معاملات کی بہتری کیلئے مشترکہ طور پر کمیٹی قائم کی جائے جوکہ تمام مسائل کا حل تلاش کرے۔ اس موقع پر صوبہ سندھ مین واقع ریلوے اسٹیشنز اور حساس ترین ریلوے کراسنگ کی بہتری کیلئے بھی تجاویز زیر غور آئیں۔ مختلف ریلوے اسٹیشنز کو گود لینے کے حوالے سے بھی تجویز زیر غور آئی ہے۔ ریلوے لائن کے گرد صفائی ستھرائی اور گرین بیلٹ کے قیام کی بھی تجویز پر گور کیا گیا ہے۔
