Top News

صوبائی وزیر سید ناصر حسین شاہ نے سابق ممبر سندھ اسمبلی رانا عبدالستار کی بیٹی کی شادی کی تقریب میں سرکت کی۔

سائیں ناصر شاہ کا ایک ہی مشن — عوام کی خدمت۔ چاہے دن ہو یا رات، اُن کا در ہمیشہ کھلا ہے۔ نہ تھکتے ہیں، نہ بہانے بناتے ہیں، کیونکہ وہ صرف وعدے نہیں کرتے، پورے بھی کرتے ہیں۔

سالڈ ویسٹ کی کچرا اٹھانے والی تمام گاڑیوں میں ریزر ریڈرز لگانے کا فیصلہ، ناصر شاہ، ضیا الحسن لنجار وزیر توانائی ناصر شاہ، وزیر داخلہ ضیا لنجار کی زیر صدارت کیبنٹ کمیٹی برائے فناننس کا اعلیٰ سطحی اجلاس، اہم فیصلے کیبنٹ کمیٹی فنانس میں سالڈ ویسٹ مینجمنٹ بور کیلئے آؤٹ آف بجٹ 12 ارب کی مشروط گرانٹ کی منظوری، ناصر شاہ، ضیا لنجار کراچی (): وزیر توانائی، ترقیات و منصوبہ بندی سید ناصر حسین شاہ اور وزیر داخلہ و قانون ضیا الحسن لنجار کی زیر صدارت کیبنٹ کمیٹی برائے فنانس کا ایک اعلیٰ سطحی اجلاس انرجی ڈپارٹمنٹ کے کمیٹی روم میں منعقد ہوا جس مین سندھ سالڈ ویسٹ مینجمنٹ بورڈ کی جانب سے سالانہ بجٹ 25-2024 کیلئے اضافی بجٹ کی درخواست کی گئی۔ اجلاس میں درخواست کا تمام قانونی پہلوؤں سے جائزہ لیا گیا جس کے بعد کمیٹی کے تمام ممبران اور صوبائی وزراء سید ناصر حسین شاہ اور ضیا الحسن لنجار کی باہمی مشاورت کے بعد سندھ سالڈ ویسٹ مینجمنٹ کیلئے آؤٹ آف بجٹ 12 ارب روپے اضافی گرانٹ کی مشروط منظوری دے دی گئی۔ وزیر توانائی اور وزیر داخلہ نے سالڈ ویسٹ بورڈ کے متعلقہ افسران کو ہدایت کی کہ سیکریٹری فناننس کی گرانٹ کے حوالے تمام تشویش اور قانونی پہلوؤں و اعتراضات کو دور کیا جائے۔ کمیٹی نے یہ بھی فیصلہ کیا کہ سالڈ ویسٹ مینجمنٹ بورڈ کچرا اٹھانے کے حوالے سے تمام متعلقہ کنٹریکٹرز کے کانٹریکٹ کا از سر نو جائزہ لے گا کیوںکہ دیگر شہروں کے مقابلے میں صوبہ سندھ کے کنٹریکٹر کے ریٹ ماریکٹ سے زیادہ ہیں۔ شہر سے جانے والے کچرے کے صحیح وزن کیلئے پراپر نظام قام کیا جائے اور کچرا لے جانے والی گاڑیوں میں ریزرر ریڈر لگائے جائیں تاکہ کنٹریکٹر کو صحیح وزن کے تحت پیسوں کی ادائیگی کی جائے اور سرکاری رقوم کو ضایع ہونے سے بچایا جاسکے۔ وزیر توانائی ناصر شاہ نے اس موقع پر کہا کہ صفائی ستھرائی اور عوام کو ریلیف دینے کیلئے سندھ سالڈ ویسٹ مینجمنٹ میں مزید بہتری لائی جائے اور افسران اس سلسلے میں اپنی صلاحیتوں کا بھرپور طریقے سے استعمال کرے۔ اس موقع پر کمیٹی کو بتایا گیا کہ سندھ سالڈ ویسٹ مینجمنٹ بورڈ اس وقت صفائی ستھرائی اور کچرے کے حوالے سے کراچی، حیدرآباد، سکھر، اور لاڑکانہ میں اپنی خدمات انجام دے رہا ہے اور تقریباً 24 ملین آبادی کو اٹینڈ کر رہا ہے۔ کام بڑھنے کے ساتھ ساتھ اسکے اخراجات میں بھی اضافہ ہو رہاہے جوکہ بڑھ کر43 ارب روپے تک بڑھ گیا ہے۔ اجلاس کو مزید بتایا گیا کہ سالڈ ویسٹ بورڈ کے مختلف منصوبوں سے 10 بلین روپے آمدنی متوقع ہے۔ منصوبوں کو حتمی شکل دی جارہی ہے۔ وزیر توانائی نے اس موقع پر مزید کہا کہ سالڈ ویسٹ کنٹریکٹرز کو وقت پر ادائیگی یقینی بنائے اور اس سسلے میں شفافیت پر مبنی میکنزم قائم کے اور صفائی ستھرائی اور کچرا اٹھانے کے عمل کو مسلسل یقینی بنانے کیلئے کنٹریکٹرز کو وقت پر واجبات انتہائی ضروری ہیں۔ اجلاس میں فیصلہ کیا گیا کہ سالڈ بورڈ 3 سے 6 ماہ میں تمام کنٹریکٹ کو رینیو کرے گا۔ اجلاس میں چیئرمین پلاننگ اینڈ ڈیولپمنٹ نجم شاہ، سیکریٹری فنانس فیاض جتوئی، سیکریٹری لوکل گورنمنٹ کے علاوہ دیگر افسران بھی شریک تھے۔

سیدناصرحسین شاہ/وزیر پلاننگ اینڈ ڈیویلپمنٹ/میاں محمدمعین وٹو/وفاقی وزیر آبی وسائل/ کے فور پراجیکٹ/دورہ وزیر توانائی، پلاننگ اینڈ ڈیویلپمنٹ سندھ سیدناصرحسین شاہ نے وفاقی وزیر برائے ابی وسائل میاں محمد معین وٹو کے ہمراہ گریٹر کراچی بلک واٹر سپلائی سکیم (کے فور منصوبے) کا دورہ کیا پارلیمانی سیکرٹری آبی وسائل رانا انصار، نہال ہاشمی اور چیئرمین واپڈا نوید اصغر چودھری بھی دورے میں ان کے ہمراہ تھے ممبر واٹر سید علی اختر شاہ اور جنرل مینیجر پروجیکٹ ڈائریکٹر کے فور پروجیکٹ عامرمغل کے علاوہ کنسلٹنٹس اور کنٹریکٹرز کے نمائندے بھی اس موقع پر موجود تھے۔ وفاقی وزیر برائے آبی وسائل میاں محمد معین وٹو اور وزیر توانائی سندھ سید ناصر حسین شاہ نے جاری ترقیاتی کاموں کا جائزہ لیا۔ اس موقع پر منصوبے پر جاری کام کے بارے میں تفصیلی بریفنگ دی گئی۔ ان سائٹس میں کینجھر جھیل پر بننے والا ان ٹیک اسٹرکچر ( Intake Structure) اور پمپنگ اسٹیشنز، کینجھر سے کراچی تک پریشرائز پائپ لائن پر مشتمل پانی کی منتقلی کا نظام اور کراچی کے مضافات میں زیر تعمیر واٹر ریزرو وائرز اور فلٹریشن پلانٹ شامل ہیں۔ پروجیکٹ ٹیم نے وفد کو تمام سائٹس پر پیش رفت کے حوالے سے بریفنگ دی۔ انہیں زیر تکمیل باقی کاموں کی ٹائم لائن کے بارے میں بھی اگاہ کیا گیا وفد کو بتایا گیا کہ پروجیکٹ کی تمام اہم سائٹس پر تعمیراتی کام تسلی بخش رفتار کے ساتھ جاری ہے۔ منصوبے پر مجموعی پیشرفت 63 فیصد ہے جبکہ منصوبے کی تعمیر پر اب تک 86 ارب 40 کروڑ روپے خرچ کیے جا چکے ہیں۔ وفد کو بتایا گیا کہ اگر درکار فنڈز بروقت دستیاب ہوں تو پروجیکٹ کا پہلا مرحلہ 2026 میں مکمل کیا جا سکتا ہے۔ وفد نے پروجیکٹ پر جاری کام کی رفتار پر اطمینان کا اظہار کیا اور منصوبے کی تکمیل کے لیے وفاقی حکومت کے بھرپور تعاون کا اعادہ کیا انہوں نے کہا کہ کے فور پروجیکٹ کراچی شہر کے پانی کی ضروریات پورا کرنے کے لیے نہایت اہم منصوبہ ہے۔ کے فور منصوبہ وزارت آبی وسائل کے ترجیحی منصوبوں میں شامل ہے اور حکومت اس منصوب کی جلد تکمیل کے لیے پر عزم ہے۔ وفاقی وزیر نے تمام اسٹیک ہولڈرز کے مابین بہتر رابطے کی ضرورت پر زور دیا انہوں نے کنٹریکٹرز اور کنسلٹنٹس کو ہدایت کی کہ وہ پروجیکٹ کے لیے مقررہ معیاد کو یقینی بنائے۔ کے فور منصوبے کراچی میں پانی کی قلت کے مسئلے کو حل کرنے کے لیے اہم منصوبہ ہے جس کا مقصد کینجھر جھیل سے کراچی کو یومیہ 650 ملین گیلن پانی فراہم کرنا ہے یہ منصوبہ دو مراحل میں مکمل ہوگا اس وقت واپڈا منصوبے کے پہلے مرحلے پر کام کر رہا ہے جس کے تحت کراچی کو 260 ملین گیلن پانی فراہم ہوگا منصوبے کے دوسرے مرحلے کی تکمیل پر مزید 390 ملین گیلن یومیہ پانی مہیا کیا جا سکے گا۔ منصوبے کا پہلا مرحلہ آٹھ کنٹریکٹ پیکجز کے تحت معروف مقامی و بین الاقوامی کنٹریکٹرز کے ذریعے تعمیر کیا جا رہا ہے۔ اس موقع پر وزیر پلاننگ اینڈ ڈیولپمنٹ توانائی سندھ سید ناصر حسین شاہ نے میڈیا سے گفتگو کرتے ہوئے وفاقی وزیر کو آمد پر خوش آمدید کہا۔ وزیراعظم شہباز شریف کی ہدایات پر اس منصوبے کی تعمیراتی کام کا جائزہ لینے کے لیے یہاں وفد کو بھیجا ہے۔ تعمیراتی کام بہتر انداز میں جاری ہے اور اس منصوبے سے کراچی کو ابتدائی طور پر 260 ایم جی ڈی پانی فراہم ہو سکے گا۔ منصوبے کی تاخیر کے بارے میں سوالات ہوتے ہیں جن میں کچھ مالی وسائل اور کچھ الائنمنٹ کے مسائل تھے لیکن 2018 میں عمران خان جب وزیراعظم تھے انہوں نے سندھ کے دورے کے موقع پر اس منصوبے کو روکنے کا حکم دیا ڈھائی سال کی تاخیر کے بعد اس منصوبے کو واپڈا کے حوالے کیا گیا اور پی ڈی ایم حکومت میں وزیراعظم شہباز شریف نے اس کے لیے فنڈ مختص کیے۔ سندھ حکومت کے ذمے جو بھی کام ہے وہ ہم پراپر طریقے سے کر رہے ہیں پانی کی ترسیل جیسے ہی کراچی پہنچے گا ڈسٹریبیوشن کا کام شروع ہو جائے گا۔ سندھ حکومت عوامی مفاد کے منصوبوں پر خصوصی توجہ دے رہی ہے۔ پر امید ہیں یہ منصوبہ وقت مقررہ پر مکمل ہوگا اور کراچی کی عوام اس سے مستفید ہوں گے۔ میاں محمد معین وٹو اور سید ناصر حسین شاہ نے کے فور منصوبے کے ملازمین کے لیے قائم کردہ رہائشی کالونی کا بھی دورہ کیا اور اس موقع پر وہاں نو تعمیر شدہ مسجد کا افتتاح کیا۔ وفد نے کالونی میں یادگاری پودے بھی لگائے۔ دورے کے اختتام پر وفد کو اجرک اور سندھ کی روایتی ٹوپی کا تحفہ بھی پہنایا گیا۔

سندھ رورل سپورٹ آرگنائیزیشن (SRSO) کا دائرہ کار 17 سے بڑھاکر صوبے کے تمام 29 ڈسٹرکٹ تک وسیع کیا جارہا ہے، ناصر حسین شاہ خواتین کو معاشی طور پر مستحکم کرنے کیلئے سندھ حکومت 15 لاکھ روپے تک قرضہ دے گی، وزیر توانائی کا تقریب سے خطاب کراچی (): صوبائی وزیر توانائی، ترقیات و منصوبہ بندی سندھ سید ناصر حسین شاہ نے کہا ہے کہ خواتین کو معاشی و معاشرتی طور پر مستحکم کرنے اور انھیں اپنے پیروں پر کھڑا کرنے کے سلسلے میں سندھ حکومت 15 لاکھ روپے تک کا قرضہ دے گی۔ پروگرام کی کامیابی کے پیش نظر چیئرمین بلاول بھٹو کے ہدایت پر سندھ رورل سپورٹ آرگنائیزیشن (SRSO) کا دائرہ کار 17 ڈسٹرکٹ سے بڑھا کر پورے صورے کے 29 ڈسٹرکٹ تک بڑھایا جارہا ہے تاکہ دیہی خواتین کی طرح شہری غریب اور مستحق خواتین کی اس منصوبے سے مستفید ہوسکیں۔ ان خیالات کا اظہار انھوں نے آج آرٹس کونسل کراچی میں منعقدہ سندھ رورل سپورٹ آرگنائیزیشن (SRSO) کی فائنل ڈسیمینیشن (Dissemination) ورکشاپ میں مہمان خصوصی کی حیثیت سے اپنے خطاب میں کیا۔ اس موقع پر سابق ممبر قومی اسمبلی نواب وسان ، ممبر صوبائی اسمبلی قاسم سراج، چیئرمین پی اینڈ ڈی بورڈ نجم احمد شاہ، سیکریٹری پی اینڈ ڈی سجاد عباسی، چیئرمین سندھ رورل سپورٹ آرگنائیزیشن (SRSO) ناہید شاہ درانی، اور سی ای او ڈتل کلہوڑو سمیت دیگر اعلیٰ افسران اور معروف سماجی شخصیات بھی موجود تھیں۔ وزیر توانائی نے کہا کہ چیئرمین بلاول کی ہدایت پر سندھ میں سیلاب سے متاثرین کو 21 لاکھ گھر بناکر تقریباً 80 لاکھ افراد کو مستید کیا جارہا ہے۔ اور اسی طرح بلوچستان میں بھی گھر بناکر دیئے جانے کا منصوبہ ہے۔ ناصر شاہ نے کہا کہ سرسو (SRSO) پروگرام کے ذریعے سندھ کے آف گرڈ علائقوں میں منی گرڈ اسٹیشن بنائے جائیں گے جنھیں سولرائزیشن کے ذریعے بجلی فراہم کی جائی گی۔ کم یونٹ والے گھرانوں کو مفت بجلی فراہم کی جائے گی۔ وزیر توانائی ناصر حسین شاہ نے اپنے خطاب میں مزید کہا کہ سندھ حکومت اور سندھ رورل سپورٹ آرگنائیزیشن شراکت داری سے صوبے کے مختلف اضلاع میں غربت میں کمی، تعلیم، زراعت، رہائش کے حوالے سے پروگرام نہایت کامیابی سے جاری ہے۔ صوبائی وزیر سید ناصر شاہ نے کہا ہے کہ سندھ رورل سپورٹ آرگنائزیشن (SRSO) کے تحت جاری غربت مٹاؤ پروگرام کو ختم کرنے کا کوئی ارادہ نہیں، بلکہ اس کی دائرہ کار کو مزید بڑھایا جا رہا ہے۔ یہ پروگرام اب سندھ کے شہری و دیہی تمام اضلاع تک پھیلایا جا رہا ہے تاکہ زیادہ سے زیادہ افراد اس سے مستفید ہو سکیں۔ سید ناصر شاہ نے کہا کہ یہ پروگرام شہید محترمہ بے نظیر بھٹو کا خواب تھا، جسے صدر آصف علی زرداری نے مکمل حمایت دے کر حقیقت کا روپ دیا۔ اس وقت یہ پروگرام سندھ کے 17 اضلاع میں جاری ہے، جسے اب 29 اضلاع تک وسعت دی جا رہی ہے۔ انہوں نے کہا کہ خواتین کی معاشی خودمختاری کے حوالے سے ایسا جامع پروگرام ملک کے کسی اور صوبے میں موجود نہیں۔ خواتین کو امپاور کرنے کی یہ کوششیں رنگ لا رہی ہیں اور اس پروگرام کی کامیابی کا سہرا انہی خواتین کو جاتا ہے۔ اب خواتین کو دیے جانے والے قرضے کی رقم بھی بڑھا کر 15 لاکھ روپے کی جا رہی ہے۔ وزیر نے مزید کہا کہ حکومت سندھ دیہی علاقوں میں منی گریڈ قائم کرے گی، جہاں غریب ترین افراد کو مفت سولر بجلی فراہم کی جائے گی جبکہ دیگر سے صرف 10 روپے فی یونٹ وصول کیے جائیں گے۔ اس کے ساتھ ساتھ سندھ میں 21 لاکھ گھروں کی تعمیر بھی جاری ہے، جو متاثرہ افراد کو دیے جائیں گے۔ ایس آر ایس او کی چیئرپرسن ناہید شاہ درانی نے بتایا کہ یہ پروگرام 2017 میں شروع کیا گیا تھا اور اب تک چھ اضلاع سے چار سو خواتین اس میں براہ راست شریک ہو چکی ہیں۔ انہوں نے کہا کہ جن خواتین کو امپاور کیا گیا وہ اب خود کفیل ہو چکی ہیں اور اپنے خاندان کی کفالت کر رہی ہیں۔ ایس آر ایس او کے سی ای او محمد ڈتل کلہوڑو نے بھی پروگرام سے خطاب کیا اور تنظیم کی کارکردگی پر روشنی ڈالی۔

بدر ایکسپو فیئر دنیا بھر میں ملکی مصنوعات کو متعارف کرانے کا بہترین ذریعہ ہوگی، وزیر توانائی ناصر شاہ کا تقریب سے خطاب کراچی (): وزیر توانائی ، ترقیات و منصوبہ بندی سندھ سید ناصر حسین شاہ نے کہا ہے کہ 16 سے 18 ستمبر 2025 تک ایکسپو سینٹر کراچی میں بدر ایکسپو کی جانب سے آئی ای ای پی (IEEEP) فیئر 2025 دنیا بھر میں ملکی مصنوعات کو کرانے کا بہترین ذریعہ ہوگی۔ ان خیالات کا اظہار انھوں نے فیئر 2025 کے حوالے سے مقامی ہوٹل میں منعقدہ تعارفی تقریب کے موقع پر اپنے خطاب میں کہا۔ اس موقع پر تقریب سے بدر ایکسپو سولوشنز کے سی ای او زوہیر نصیر ، انجنیئر نوید اکرم انصاری، انجنیئر خالد، مرزا اختیار بیگ، زوہیر نصیر، ڈپٹی قونصل جنرل ایران، ترکش اتاشی سمیت نامور صنعتکار و تاجر حضرات بھی موجود تھے۔ وزیر توانائی ناصر شاہ نے اس موقع پر کہا کہ نمائش میں موجود ملکی و غیر ملکی مصنوعات کے اسٹالز کے باعث پاکستانی مصنوعات پروموٹ کرنے کیلئے بہترین پلیٹ فارم دستیاب ہوگا۔ سندھ حکومت ایسے اقدامات اور پلیٹ فارم کو بلکل سپورٹ کرتی ہے جوکہ ملکی معیشت و استحکام کیلئے سودمند ثابت ہوتے ہیں۔ ناصر شاہ نے کہا کہ ملکی معیشت کو سپورٹ کرنے کے پاکستان میں بہترین مواقع موجود ہیں۔ ماحولیاتی آلودگی اور دنیا بھر میں بڑھتے ہوئے درجہ حرارت کے پیش نظر سندھ حکومت گرین انرجی کو فروغ دے رہی ہے۔ اور چیئرمین بلاول بھٹو کے وژن اور ہدایات کے مطابق سندھ کے عوام کو سستی بجلی کی فراہمی کیلئے مختلف منصوبوں پر کام اور عمی اقدامات کررہی ہے۔ اس وقت بھی ملک کی سب سے سستی بجلی نوری آباد ونڈ پاور سے بنائی جارہی ہے۔ اسکے علاوہ سولر پارکس کے منصوبوں سے عوام کو سستی بجلی کی فراہمی ممکن ہوسکے گی۔ نمائش کے انعقاد سے نئے نئے پروڈکٹس کو بھی متعارف کرانے کا موقعہ ملے گا۔ وزیر توانائی نے کہا کہ اس قت تین سولر پارکس بنائے جارہے ہیں جس سے بھی سستی بجلی کی فراہمی ممکن ہوسکے گی۔ ہر سال کی طرح اس سال بھی ملکی و غیر ملکی کمپنیوں کو خوش آمدید کہیں گے۔